Adhoore Hai Hum Aaker Saajan

Aaj Hamein Poora Ker Do

Dhadkan Mien To Jaan Nahi Hai

Chhooker Fir Jinda Ker Do

Ab Tak Kitna Tarasaya Hai

Aao Paas Vafa Ker Do

Agli Dafa Ho Mumkin Shayad

Jismo Jaan Juda Ker Do

Ya To Hum Mein Saanse Bhar Do

Ya Khud Se Khafa Ker Do

Baharo Ki Khabar Le Aao

Har Armaan Haraa Ker Do

Doobi Houn Per Jinda Houn

Dariya Aur Badaa Ker Do

In Bikhre Sapno K Tukde

Choomo Aur Khuda Ker Do

Bujh Na Jaye Jindagi Jara

Thodi Aur Hawa Ker Do

Ya To Hamein Apna Ker Lo

Ya Mar Jaye Dua Ker Do

Sada Deti Hai Teri Khushboo

Koi Gul Gulaab Kya Yaad Rakhun

Tere Chehre K Noor Pe Mein

Aaftaab Kya Yaad Rakhun

Sunker In Saanso Ka Saaj

Sab Geet Raag Kya Yaad Rakhun

In Aankho Mein Jhanka Hai To

Jannat Ka Khab Kya Yaad Rakhun

Jab Se Tune Dhadkan Choo Li

Saanso Ka Raaj Kya Yaad Rakhun

Peeker Dard Tere Aansu Ka

Baaki Ehsaas Kya Yaad Rakhun

Lamha Lamha Tujhmein Boya

Kal Aur Aaj Kya Yaad Rakhun

Teri Chhuan Mein Pyaar Hai Itna

Foolo Ka Taaj Kya Yaad Rakhun

Tujhe Padaa Ab Soch Rahi Houn

Geeta Puraan Kya Yaad Rakhun

Chun Li Teri Raahein Dil Ne

Aur Armaan Kya Yaad Rakhun

Hosh Gume Ye Kya Ker Dala

Sulge Savaal Kya Yaad Rakhun

Tu He Kah De Mein Hui Divani

Khud Ka Haal Kya Yaad Rakhu

Bhar Lo Humko Apni Baho Mein Is Tarah

Raat K Aanchal Mein Chand Jis Tarah

Samet Lo Aaj Ye Badan Is Tarah

Aasmaan Ne Smeta Hai Taro Ko Jis Tarah

Ye Umange Ye Armaan Aaj Uthhe Hai Is Tarah

Samander K Seene Mein Lahre Jis Tarah

Man Kerta Hai Bikhre Hum Aap Mein Is Tarah

Havao Mein Bikhri Hai Khushbuein Jis Tarah

Aahista Aahista Aaye Aap Paas Dil K Is Tarah

Keenche Koi Door Se Dor Jis Tarah

Hole Hole Apna Pyaar Barasaao Is Tarah

Fuhaaro Mein Barista Hai Saavan Jis Tarah

Rang Khil Jaaye Nigaaho Mein Is Tarah

Neele Gagan Mein Khila Ho Inderdhanush Jis Tarah

Chale Aao Aaj Itne Kareeb Hamaare

Palkok Kareeb Hai Bheege Khaab Jis Tarah

Aaker Raho Kabhi Mere Dil Mein Is Tarah

Aramaan Raha Karte Hai Yaha Jis Tarah

Chale Hum Baahe Thaame Ek Dooje Ki Is Tarah

Chala Karte Hai Hamesha Saath Saaye Jis Tarah

Savaaro Hamein Apne Pyaar Mein Is Tarah

Savara Hai Dharti Ko Pehli Bearish Ne Jis Tarah

U Mahaka Do Hamein Apni Saanso Se Is Tarah

Mahakte Hai Gulshan Mein Gulaab Jis Tarah

Tere Ishq Ko Lafjo Mein Likhu Bhi To Kaise

Logo K Lakho Savalaat Sunu Bhi To Kaise

Mohobbat Mein Mukammal Meri Jindagi U Hui

A Jindagi Bataa Ab Maut Se Daru Bhi To Kaise

Pyaar Ka Parinda Jo Par Pasaare Paas Aaya

Aasmaan K Sapne Sabhi Sirhane Tale Rakhu Bhi To Kaise

Tu Jo Har Sheh Mein Mujhe Dhoondhta Firta Hai

Ek Pal Bhi Najaro Se Door Rahu Bhi To Kaise

E Mere Naaj- Nakhro Per Naaj Kerne Vale

In Aankho Mein Dardila Dariya Dekhu Bhi To Kaise

Tu Jo Mere Ashk Hothho Pe Sajaaye Baithha Hai

Muskaan Tujhe Diye Bina Hansu Bhi To Kaise

Janti Houn Jaan Teri Mujhme Kahi Hai Jaanam

Tujhse Alag Jahaan Ye Sahu Bhi To Kaise

Kya Samjhenge Log Yahaa K Apni Prem Kahani Ko

Vafaao Ka Har Vo Vakaya Kahu Bhi To Kaise

Ek kavita phir se shayar ker rahi houn aap sabhi k saath, jo meine aaj kal mein nahi balki saal bhar pehle likhi thi, shayad ye apni likhi kavitao mein mujhe sabse jyada pasand thi us time, or college mein baithh ker likhi thi, baahar bahot tej barish ho rahi thi. Mein classroom mein akeli thi agla lecture 2 ghante baad tha, aur mein akeli baithhi baahar ka najara dekh rahi thi, pen uthhaya to jo likha gayaa vo mujhe bahot he achha lagaa, aur pehli baar meine apni feelings ko paper per sajaa ker us kavita ke words mein apne lover ko diya, pehli baar meine unhe bataya ke ye meri likhi hui hai, isse pehle kabhi apni kavita unhe apne naam se nahi di thi. vo 15 minite tak use padte rahe, aur phir aankho mein aansu liye mere paas aaye mein baithhi hui thi aur vo paas khade the, bade he pyaar se unhone apne seene se mujhe sataa liya aur unka aansu mere maathe  per aa ker gira,, mein bhi bhav vibhor ho ker unse lipat gayi, tab mujhe pataa chala ki shayad mein unke liye likh sakti houn. vo din hai aur aaj ka din hai, apni kavita unhe hameshaa he apne naam se deti houn,, ab mujhe pataa hai, vo lines kaisi bhi likhi ho, vo hameshaa ese he react karenge, aur ese he pyaar barasaayenge……

My dear lover ,,,

Meri duniya, meri jindagi, mere sab kuchh,

Khyaalo Ko Jab Se Lafjo Mein Dhala Hai

Dil Ka Har Armaan Tere Naam Likh Dala Hai

Gee Kerta Hai Tujhper Gee Bhar Pyaar Barasaaun

Naino Ka Saavan Tere Naam Likh Dala Hai

Tujhe Meera Ki Divanagi, Tujhe Radha Ka Shaam Likha

Mohobbat Bhara Har Alfaaj Tere Naam Likh Dala Hai

Tu Shabd Mere, Sangeet Mera, Mein Koi Geet Adhoora Houn

Rab Ne Meri Dhadkan Ka Her Saaj Tere Naam Likh Dala Hai

Kya Subah Kahu, Kya Shaam Kahu, Tujhe Her Pal Socha Hai

Meine Apna Itihaas, Apna Aaj Tere Naam Likh Dala Hai

Meelo Door Se Bhi Tu Rom Rom Mahkaa Deta Hai

Seene Mein Palta Her Saans Tere Naam Likh Dala Hai

Roj Tujhe Sapno Mein Bulaya Kerti Houn Mere Mahboob

Haseen Khabo Ka Jahaan Tere Naam Likh Dala Hai

Fizaao Mein Havaao Mein Her Najar Ruberoo Tera Chehra

Ye Jameen Ye Aasmaan Tere Naam Likh Dala Hai

Tujhmein Kho Diya Hai Khud Ko Is Kadar Ki Ab To

Apne Hone Ka Ehsaas Tere Naam Likh Dala Hai…….

Oh Mere Saajan !!!

Saari Ye Samvednaayein,

Saagar Se Kahi Gehri

Ye Sabhi Bhavnaayein,

Hai Seene Mein Simti Si,

Tukdo Mien Muskurati Si,

Nanhi Nanhi Khushiya,

Lamho Mein Sikudi Sadiya,

Ye Dard Ka Dariya Daaman Mein

Aankhon Se Bah Lene Do !!!

Na Janu Mein Bhi To,

Kitne He Ansune Se,

Kitne He Anjaane Se,

Ankahe Se, Adhoore Se,

Sabhi Un Maun Afsaano Ko

Jo Kavita Banne Ki Aas Mein

Tere Nimantran Ki Pyas Mein Yaa

U He Dam Na Tod De Kahi

Hothho Ki Chhuan Se

Jeevit Kerke

Sara Kuchh Kah Lene Do !!!

Phir pasra ye ekakipan,

Aahista aahista lamha lamha

Ker gaya soona sara jeevan

Dhadkan dhadkan tanha tanha