Kuchh Lamho Ki Jindagi Baki Thi,

Mein Tujhmein Saanse Chhod Aayi,

Samander Bhar Ashq Bahne The,

Mein Roti Aankhein Chhod Aayi..........

Chand Ka Daman Khali Hua,

Gum sum Chup Hai Chandani,

Sooni Teri Aankho Mein,

May Tanha Raate Chhod Aayi............

Behra Na Ker Daale Tujhe,

Khamosh Sannato Ka Shor Kahi,

Maun Shabdo Se Kahti Kuchh,

Gumsum Baatein Chhod Aayi..............

Apalak Takti Hongi Aksar,

Vo Rasta Aankhein Teri,

Un Galiyo Ko Chhoda Meine,

May Vo Raahein Chhod Aayi..................

Jhuk Ker Tere Shaano Per,

Sukoon Jahaan Ka Paya Tha,

Dil Mein Sajaaye Pyaar Tera,

May Teri Baahe Chhod Aayi.....................

Aaaj Subah Jab Dekha Tha,

Aayine Se Jhankti Si,

Mujhe Dhoondhti Pyaar Bhari,

May Teri Nigaahein Chhod Aayi...................