|
Dulhan........
Oh Mere Saajan !!! Saari Ye Samvednaayein, Saagar Se Kahi Gehri Ye Sabhi Bhavnaayein, Hai Seene Mein Simti Si, Tukdo Mien Muskurati Si, Nanhi Nanhi Khushiya, Lamho Mein Sikudi Sadiya, Ye Dard Ka Dariya Daaman Mein Aankhon Se Bah Lene Do !!!
Kali Si Khilker Pulkit, Nishchhal Pooja Si Paviter, Ho Jaaun, Yadi Mujhe Mere Priyatam, Pahar Do Pahar Ko He Bas Apni In Aati Jaati Spandit, Suvaasit Kuchh Tarsi Si, Kuchh Bikhri Si, Kuchh Shayad Siski Si Saanso Mein Rah Lene Do !!!
Deker Sparsh Saanso Se, Sahara Apni Baahon Se, Chhipaker Apne Aanchal Mein Najaro Ki Najuk Chhuan Se, Ek Ek Kerke, Gin Gin Kerke, Maddham Maddham, Bhigi Bhigi Man Ki Her Roti Dhadkan Ka Dard Sah Lene Do !!!
Na Janu Mein Bhi To, Kitne He Ansune Se, Kitne He Anjaane Se, Ankahe Se, Adhoore Se, Sabhi Un Maun Afsaano Ko Jo Kavita Banne Ki Aas Mein Tere Nimantran Ki Pyas Mein Yaa U He Dam Na Tod De Kahi Hothho Ki Chhuan Se Jeevit Kerke Sara Kuchh Kah Lene Do !!!
Piroker Laayi Saare Armaan, Sapno Ki Turpaayi Ki Prem Ki Jhalar Mein Bunker, Chunnate Dal Ker, Sajaa Ker, Rang Deker Tere Pyaar Ka, Sunder Taaro Se Saji Ye Chunri Odh Ker Aaj Mujhe Dulhan….. Haan……. Apni Dulhan Ban Lene Do !!!
|
|
5 Comment(s)
